Hordaland er eit fylke med sterk fokus på entreprenørskap i forsking og utdanning. Det er fleire potensielle aktørar som kan vere til hjelp i utviklingsprosjekt, eller i oppstartfasen.

I dag er det ei sterk satsing på entreprenørskap i skulen. Dei fleste kommunane i fylket har i dag elev- og ungdomsbedrifter i grunnskulen gjennom ordninga Ungt Entreprenørskap. Høgskulane i fylket og Universitetet i Bergen tilbyr i dag studium innan innovasjon og entreprenørskap, i tillegg til samfunnsentreprenørskap. Utover høgskulane og universitetet er det fleire fagspesifikke forskingsmiljø i fylket.

Manglar det nokre aktørar?
På kom-an.no er det òg trekt inn nokre nasjonale aktørar som er viktige for Hordaland. Utover dette er det fleire nasjonale aktørar som ikkje er teke med her, men som likevel kan vere aktuelle for deg. Ta difor kontakt med kom-an.no dersom det er spesielle aktørar eller ordningar du leitar etter.

Under aktørar finn du ei oversikt over dei ulike forskings- og utdanningsmiljøa i Hordaland.