Som nyetablert verksemd har ein ofte behov for rådgjeving, erfarings- utveksling og sosiale møtestadar. I Hordaland er det tre næringshagar og to inkubatorar som kan gje deg alt dette.

I Hordaland er det næringshage på Voss, Mongstad, og i Odda, med fokus på m.a reiseliv, kultnæringar, lokal mat, subsea, energi og kraftkrevjande industri. Mange av næringshagane driv og prosjekt knytt til samfunnsutvikling, bulyst og lokalt engasjement.

Kva er ein næringshage?
Ein næringshage er ei samlokalisering av kunnskapsintensive verksemder som har utviklingspotensial, og som har behov for kontakt med større kompetansemiljø. Ved å bygge opp eit større totalmiljø med fleire små verksemder, dannar det grunnlag for samarbeid i eit faglig og sosialt miljø. Kva næringar som skal inn i ein slik nærings- hage, vert avgjort av lokale forhold.

Inkubatorar i Hordaland innan FoU og industri
Inkubasjon er ein metode kor lovande gründeridear og gründerselskap med vekst- potensiale vert kopla med eit etablert og strukturert miljø for å nå sitt potensial. Dette går føre seg i ein inkubator. Dei tilbyr mentorordningar, støttetenester og rådgjeving, i tillegg til eit fysisk miljø kor verksemdene kan lære av kvarandre.

I Hordaland har vi ein FoU-inkubator i Bergen (Nyskapingsparken) knytt til Universitetet i Bergen, Høgskolen i Bergen, NHH og Kunsthøyskolen, og ein Industri- inkubator på Stord (Atheno), knytt til industrimiljøet i Sunnhordland.

SIVA – nasjonal eigar av næringshage- og inkubatorprogrammet
SIVA er ein nasjonal verkemiddelaktør som forvaltar ulike nasjonale innovasjons- programma, dvs. dei gjev godkjenning og finansiering gjennom næringshage- og inkubatorprogrammet. SIVA held til i Trondheim. Regional kontakt for Hordaland er Frank Sandnes. Hordaland fylkeskommune har samarbeidsavtale med SIVA og gjev omfattande tilskot til næringshagane og inkubatorane i regionen.

Sjå Aktørar for oversikt.